2023/2024-Los Topins e animacions per viéner :

-22 d'octobre : Los camparòus per Cristau, 9h à la ferme Prat, quartier Lasbordes à Salias

-Fin d’octobre : aprestar la cama de l’arbo causit tà la Halha de Nadau

-19 de noveme : la Batalha d'Ortès a la Mairie de St Boès per Joan Marc Lagouarde

-15 de deceme : Lo Quaucom/Picahòu tà las escòlas : que haràn hrèita adultes tà acompanhar (que i deverén estar 110 mainats !) a Salias

-17 de deceme : conferéncia a Sauvatèrra a l'ASEC Los noms de las estelas e de las constellacions en òc e en cat. per l'Escòla Gaston Fèbus

-22 de deceme : de non pas desbrombar la Halha de Nadau a Sauvatèrra a l'embaish de l'esplanada de la maison comuna dab la Fabricoteria

- dimenge 7 de genèr a 10h: lo musèu Joana de Labrit a Ortèz per Ania e MC Hourdebaigt

-4 de heurèr : La Condelèra per Cristau a Salias aus Andins

-17 de març : conferéncia sus Jan deu Sabalòt, Molia? per Crestian Lamaison  a Sauvatèrra a l'ASEC

-13 d'abriu : au parat deu Primtemps de l'arribèra : Conferéncia Los grans viradís de l'astronomia per l'Escòla Gaston Fèbus a Sent Pèr de Lèren

-18 d’abriu : a Salias Sala de la Muda Conferéncia Lo libe de l’Elucidari per l'Escòla Gaston Fèbus

-12 de mai : las orquidèas per Cristau a Salias

Lo Topin de lenga 

 que participarà au 1èr HESTAU MARTEROR, organizat per l'associacion

«Duas Bòrdas e un Molin» 

 Un Hestau tot en lenga, ubèrt tà tots :

aprenents, debutants o confirmats, locutors e curiós de la lenga

 Topin de lenga de las Vrenhas lo 6 d'octobre a Ortès

A 10ò deu matin, sala Gasconh, rendetz-vos per un viatge tau monde de las vrenhas de quauque còp (dab ua mustra e ua presentacion de las atrunas de bèth temps : demostracion dab lo trolh e la horadera ) e de uei ( dab lo testimoniatge d'un vrenhaire). Que s'i parlarà tanben de vitatge e deu tribalh de uei lo dia. Degustacion de borret. Disnar a la pòrta-te-n'i...

TOPIN DE LENGA au MUSÈU Joana De LABRIT

lo dimenge 07 de genèr de 2024 :

 L'istòria deu protestantisme bearnés 

TOPIN DE LENGA au MUSÈU Joana De LABRIT

lo dimèrcs 06 de heurèr de 2024 :

La tête dans les étoiles

Dans le cadre des activités du collectif Topin de lenga,

Cultura de Noste et le Musée Jeanne-d’Albret présentent l’exposition À la découverte du ciel de Gaston Febus à nos jours, réalisée par l’Escòla Gaston Febus, qui chemine de Salies-de-Béarn, à Sauveterre et Navarrenx, elle est accueillie,à Orthez, au Musée Jeanne-d’Albret, du 1^er au 29 février, aux heures d’ouverture du Musée (du mardi au samedi, de 14 à 18 h), entrée libre.

Cette exposition, a été créée à partir de l’un des chapitres de L’Elucidari, qui est la version en béarnais d’une encyclopédie écrite en latin au 13^e siècle. La mère de Gaston Fébus l’a faite traduire vers 1350, pour l’éducation de son fils. 10 panneaux montrent l’état des connaissances, au Moyen-Âge et 6 panneaux montrent les grandes découvertes faites jusqu’à Orthez.

Mardi 6 février 18h30 au Musée Jeanne d’Albret.

À Saint Gaston, le ciel est bon !

Les planètes toutes bien alignées, le mardi 6 février, (jour de la Saint Gaston !) à 18 h 30, les conférences de Francis Beigbeder et Rémy Cabanac, La tête dans les étoiles, les pieds sur terre, se tiendront au Musée du Protestantisme Jeanne-d’Albret à Orthez. Conférence introductive en gascon, proposée par l’ingénieur de recherches et spécialiste de la langue, Francis Beigbeder*. Rémi Cabanac* nous entretiendra ensuite, en français, de L’origine de la vie et des récents progrès de la connaissance.

* Francis Beigbeder ingénieur de recherche à l'Observatoire du Pic du Midi. Linguiste amateur en lexicologie gasconne : noms d'oiseaux, de plantes, toponymie…

* Rémi Cabanac astronome (CNAP), Institut de Recherche en Astrophysique et Planétologie, Observatoire Midi-Pyrénées, Université de Toulouse III, Paul Sabatier, directeur scientifique de l'observatoire du Pic du Midi.

ETH CAP ENAS ESTELAS, ETHS PÈS SUS TÈRRA.

-2009 annada de l'astronomia, 400au anniversari de Galileo Galilei, tanben eth lançament peraNASA de Kepler, "tà cercar planetas abitables".

-Atau qu'em passats a l'amagat dera "cèrca de la vita" ara "cèrca de planetas abitables", ua formula ambigüa, e cèrcam ua navèra America ?

-En fèit non, los scientifics deth projecte qu'an precisat que cercavan sonque era maison d'E.T.!

-Que cau estar clar pensi, tà nosautis umans que i a un sol planeta abitable, n'i aura pas nat arrecambi, aqueths planetas abitables seran tostemps tròp luenh tà nos i tresmudar, que cau donc preservar era nosta bèra maison blua !

-Que vos perpausi donc entad aquera annada der’Astronomia aqueth article sus eths noms gascons deths astres.

-Que cau saber que er’Union Astronomica Internacionau que preconiza d'arrespectar totas eras culturas deu Món tara denominacion deths objectes deth ceu.

-Que podem har coma eras autas lengas ua nomenclatura scientifica e tanben sauvar eras denominacions popularas, en efèit desempuish tostemps eths nostes davancèrs qu'an observat eth cèu dab eths loés uelhs e qu'an vist hèra de causas qu'an interpretadas segón era loa cultura, atau qu'an vist : pastors, caçadors, crabèras, carriòts, prats, camins, bastons, husèths … eth ceu qu'èra abitat per eths madeish, eths loés sauneis, eth loé tribalh, era loa vita sus tèrra lançada en eth cèu, atau qu'èra e qu'ei tostemps atau.

Estelas e esteladas

-Abans Galileo e’ra sua luneta, eths òmis qu'an observat eth cèu sonque dab eths loés uelhs. Dab un tau "instrument" que podevan véger quauque milierats d'estelas immobilas eras uas per rapòrt aras autas.

-Pendent longtemps eths òmis qu’an pensat qu'eran totas ara madeisha distáncia sus “er'esfèra deths fixes", enter era Tèrra e aquera esfèra se mavèvan eths planetas.

-Puish qu'an identificat grops d'estelas, e per catasterizacion, projeccion d'èstes mitics sus aqueths asterismas, qu'an nomenat eras constellacions o esteladas en gascon.

-De fèit eras estelas deras constellacion que son pròche sonque dens un madeish angle de vista, que son donc esteladas juste per ilusion d'optica !

-Atau Orion, ua deras mei importanta, dens la mitologia grèca qu'era vista coma un caçador viatjant a l'orizont sus mar e sus tèrra, ua legenda pròche dera deth rei Artús, castigat a caçar moscas en eth cèu per'eternitat.

-En gascon aquera estelada qu'a mantuns noms : "Eths bastons", "eths tres bordons", (baston de montanha o deth romiu), "eths tres hustets" (cuenhs de boes).

-En efèit aquera constellacion que forma un rectangle, deras espatlas aus pès deu caçador, dab tres estelas arremercablas a la cinta.

-L' estela màger Betelgeusa (estela der'espatla en arabe) que luzi sus er'espatla dreta. Eth nom gascon que sembla evocar mei un pastor o un boscassèr qu'un caçador, mes cada cultura qu'a eths sués eròis !

Quauques autas constellacions son nomentadas en gascon :

-Atau "eth car deu cèu", "eth car triomfau", "eth carriòt de David", set estelas que son vistas peths gascons com un car non pas coma ua ossa.

"Un car sens mul (mulet) ni mitron (baudet)" !

-A còps eras tres estelas deth timon que son distinguidas : "eths tres husèths", dilhèu eth car qu'era

vist tanben coma ua hialèra. E r'estelada sòr : "Eth petit carriòt", pas mei vist tanpòc coma ua osseta !

-Un auta estelada celèbra : "Era cloqueta" (houlette de bergère), tanben aperada "eras set crabèras", Eras Pleiadas der'antiquitat, perseguidas peras ardors d'Orion, ua n'ei pas vededèra, velada

tà s'estujar deth caçador ça'm-par !

-A saber si eth noste pastor e perseguiva tanben eras set crabèras?

Eras Pleiadas que hen partida dera constellacion deth Taure.

-Entad acabar dab eths noms populars "Eths dus pastors" entaths bessons Castor e Polux ! hilhs de Zeus, harairs inseparables !

-Plan segur que i a d'autas constellacions, n'ei pas un problema de las nomentar en gascon dab noms equivalents deths deras autas lengas : Can de caça, Canhòt, Lèbe, Serp, Agla, Marro, Drac, Leon,

Lira, Peish, Voupeta, Luzert, Boèr …

-Atau que cau har uelhs coma lugrans tà espiar eth cèu on liran eras estelas, a còps se n'ètz pas tròp malastrucs que i vegeratz "estelas codivas" o "estelas que caden" e plan segur eth leitós "camin de St Jacme"; non pas ua constellacion, mes era nosta galaxia, ua vertadèra estelada.

Planetas, dius e dias

-Deth grèc "planêtês" (astres errants), atau vists per eths ancians per oposicions aras estelas que pareishen fixes sus ua esfèra.

-Atau que i avèva set planetas observables dab sonque l'uelh, e aperadas dab noms de dius : "Sol o Soliculus, Luna, Mars, Mercurius, Jupiter, Venus, Saturnus", qu'an dats en gascon : Sou o solelh, Lua, Mars, Mercuri, Jupiter,Vènus, Saturn.

Vènus qu'ei aperada tanben eth lugran (lutz gran) en lengatge popular.

-Avant era revolucion coperniciana (1543), era Tèrra considerada coma centre deth Univèrs n'èra pas comptada e ath contra eth Solelh, mavedís, qu'èra considerat coma un planeta.

Eths dias dera setmana qu'avèvan près eths noms deths set planetas :

"Dies solis, dies Lunis, dies Martis, dies Mercolis, dies Jovis, dies Veneris, dies Saturnis"

-Aqueths genitius deth latin tardiu qu'an dat en gascon :

diluns, dimarts, dimercs o dimècres, dijaus, divés o divendres.

-Dab di(a) davant coma en eths autes dialectes occitans e catalans, ath contra deth francés e deth italian.

-Qu'aurem devut aver tanben dissaturns e dissous, coma dens eras lengas germanicas (Saturday, Sunday …), mes era crestianizacion qu'ei passada per atieu e qu'avem dissabte e dimenge, respectivament dia deth sabat e dia deth Sénher.

-Plan segur dab eths instruments d'optica l'òmi a la seguida de Galileo (1609) qu'a observat d'autes planetas e eths loés satellits, atau : Uranus (1781), Neptune (1846) e Pluton (1930), mes aqueth darrèr, tròp petit, desclassat coma planeta desempuish 2006.

-Que i a pòc de temps eras sondas planetaras, Mariner, Venera, Pionner, Viking, Voyager … que son anat véger de près tots aqueths astres mitics ! Tanben l'òmi qu'a començat d'observar, desempuish

1990, exoplanetas, planetas ar'entorn d'autes estelas, 373 descobèrts ath dia de uei, dilhèu daubuns abitables … mes sonque per ET !

Navèths objectes celèstes

-Tanben dab er’ajuda d’instruments poderós eths astronòmes qu’an descobèrt navèths objectes celèstes, e qu’an inventat noms tà los aperar.

-Que son noms internacionaus e eth gascon que pòt seguir shens granas dificultats, atau : Quasars, pulsars, traucs negres, nanas blancas o brunas, amàs globulars, eishamis estelars, novae, supernovae, subersauts gama …

Francis Beigbeder, 2009

lo Topin de lenga : Programe deu 1èr semèstre 2023

• lo 5 de heurèr : la «Condelèra» aus Andis

• lo 26 de heurèr : la visita de la Tor Montrejau a Sauvatèrra

• lo 19 de març : conferéncia sus mossarons

• lo 08 d'abriu : lo Primtemps de l'Arribèra

• lo 14 de mai : la passejada de las orquidèas

• lo 25 de junh : Passejada «Al Cartero a Salias»

• lo 24 de seteme 2023:

• la passejada de la Pena de Mur

• a Castanheda

La Topin de la Pena de Mur

Ua rondalejada de las beròjas miada peu Cristau dab un bèthvéder tot au briu de la marcha que'ns permeten de repassar las montanhas deus Pirenèus, de descrobir d'un biais diferent vilatges, castèths, paisatges...

Mes en tèrmi de bèthvéder çò de mièlher qu'ei per arribar... Un camin boscassèr qui bordeja l'ancian casterar roman que'ns mia a la pena qui senhoreja de 144 mètres sus la plana.

Pausa au ras de l'estatua de la Verge. Au cap de 2 òras de passejada que se'n va temps de partatjar lo disnar. Que van seguir un cluc tà quauques uns... E cantas tà tots. Ua presentacion de la legenda de la Pena - los Mòros que i aurèn trobat un acès... - e drin d'istòria – lo bailatge hantaume de Mur - per l'Estève. E Lavetz Cristau que'ns harà descobrir e mei que mei léger lo perqué qu'aquera estatua au bec – pr'amor deu curat de Castanheda... Ua tempsada hèra agradiva tota en lenga, un còp mei.

TOPIN DE LENGA

à Salias peus Salièrs lo 30/07/2023

Que son visitas perpausadas per l'associacion deus comerçants (l'ACAS) tà har descobrir la vila dab estancs gormands en comèrcis volontaris.

Drin de cambiament aqueth dimenge dab ua visita en occitan qui mesclè monde de tota traca. Qui i èran los acostumats deu Topin com personas gessidas d'autes parçans briga assabentadas de la lenga nosta mes curiosas de'n saber mei. E la saussa que gahè mercés au Salièr deu dia, lo Joan Francés Tisnèr qui'ns passegè per las arruas de la vila. Que sabó hèra plan hà'ns descobrir la soa vila en tot mesclar soviers deu temps de joenèr dab l'istoèra deu lòc. E saussa que n'i avó tanben mes de la qui hasó la fortuna deus part-prenents. E coleder, dulin, eca... Un gran mercés ad eth.

D’estanc gormand que n’i avó un bèth au «Moment Librairie», la libreria independenta de tria de Salias. De vertat non podèvan pas càber en los comèrcis, las 25 personas qui partatgèn aquera tempsada dinamica. Que ns’arcuelhó lavetz la libreria tà l'aperitiu dab las boniquerias auheridas peus comèrces participants. Au davant lo Joan Miquèu Dordeins que'ns hasó lo gran plaser d'animar un sesilha de descoberta deu son roman policièr, «Murtres en cadena» a las edicions Reclams. E tot com pendent la visita, l'ajuda deus locutors emmesclats que permetó a tots de seguir com cau e de passar ua tempsada plea d’escambis. Un gran mercés ad eth tanben. Los darrèrs mercejaments : tau «Moment Librairie» peu son arcuelh e a Mauryne per aver gausat aquera visita en lenga nosta !

Tà caperar aquera tempsada agradiva l'aubèrja bearnesa, solide, que i avó lo disnar partatjat.

• lo 14 de mai 2023:

• la passejada de las orquidèas

• a Sauvatèrra

1 clatre triscat,

2-3 èrba abelha,

4 serapià lenga,

5 èrba mosca,

6 serapià deu labèlle long,

7-8 anacamptis piramidau,

9 èrba abelha,

10 esplinguetas (gerànium èrba de Robèrt),

11 tamós comun o reponchon.

     Topin deus mossarons lo 19 de març 2023

                     a Sauvatèrra

Quin beròi dia aqueste dimenge de descoberta deu monde deus mossarons !

Tot que comencè per ua passejada suu cantèr deu gave d'Auloron a Sauvatèrra. E se n'i èran pas los mossarons que i èran totun los explics generós deu Cristau de Hauguernes, l'organizator deu dia. Que s'ensenhè lo biotòp d'aqueth camparòu, las correlacions e los simbiòsis... autant d'endics tà ua cerca a viéner ! Que s'ensenhè mantuas plantas e flors qui  i èran eras : Creishoneta, esquila primavèra, liri jacint, ahumada etc... Lo  campèstre en rauba pingorlada que'ns ditz lo primtemps qu'ei arribat e l'ivèrn en descampa...

E com de costuma que contunhèm per ua tempsada conviviau : l'aubèrja bearnesa, lo disnar partatjat tirat de la saca.  Batalèra, cantas dab la nautat deu dia : la creacion deu Cristau : «los Mossarons», cantat sus l'aire de «Los tilholèrs». Òsca au creator !

E au vrespe la conferéncia-debatuda sus aqueth camparòu mitic e lo monde deus camparòus en generau. E que sabó trobar lo noste conferencièr l'equilibri just en apregondir las nostas coneishenças shens perdé'ns. Que mesclè explics scientifics sus coneishenças popularas (aròus de broisha etc.) dab la lectura de tèxts d'Albert Peyroutet e deu Ramonet deu pè de la vit.

Ua prestacion de hauta volada, un gran mercés a Cristau per aqueth beròi dia.

Taus qui volerén anar mei luenh, Le Blog de Cristau de Hauguernes qui'ns hè partatjar la suas coneishenças sus mantuns tèmas, micologia, meteorologia  e auts en occitan e en francés.

E tà acabar e tau plaser, la canta deu dia.

• lo 26 de heurèr 2023:

• la visita de la Tor Montrejau

• a Sauvatèrra

La Condelèra aus Andis lo 5 de heurèr 2023

Navèra annada, navèra formula !

Dinc adara los Topins que's debanavan mei que mei per dehòra. En efèit passejadas, visitas que son reservadas aus dias de primtemps o d'abòr.

Que calèva trobar auta causa tà ns'amassar pendent aquera tempsada de hred e (normaument) tròp sovent de ploja. N'estó pas briga complicat en ligar duas de las causas mei estimadas deu monde de noste : la paraula e lo gormandèr... La paraula dab los condes, las hèitas e los jòcs tà har participar los aprenents e los qui ne son pas tròp adaise dab la lenga. Tau gormandèr n'estó pas tròp complicat tanpauc. En aquera tempsada de candelèra : perqué pas quauquas crespèras en mei deu disnar tirat de la saca ? Atau qu'èra vaduda la Condelèra !

E se n'èram pas hòrt numerós aqueste còp, - hèra de desencusats pr'amor de cuentas o de virus - qu'estom totun ua dotzena qui passèm ua pausa hòrt agradiva qui comencè de cap à 10 òras e mieja aqueth dimenge 5 de heurèr. En mei deus condes e autas hèitas que i estón tanben cantas, quauques pas de dança qui'ns mièn dinc a 5 òras deu ser. Que ns'i tornaram !

E un gran mercés a l'animator deu dia, lo Cristau de Hauguernes e a la nosta ostessa, la Ania qui'ns permetó d'estar arcuelhuts a l'Amicala deus Antins on ns'esperava un huèc bambau.

Topin Orthez Médièval 02/10/2022

Passejada micologica 2022

Adishatz,

Que'n parlèm l'aute dia e ací, que l'avètz lo convit tà la passejada micologica deu 23 d'octobre à 9 òras aus Andins.

Jo, que i serèi, los cèps tanben lavetz, au plaser de v'i arretrobar !

SALIAS 2022

MUSÈU DE SALIAS

Aqueste topin que s'acaba on a començat : a la sala de la muda.

Un cop mei, moment conviviau mercés au repaish partatjat, a las batalèras e las cantas qui segueishen la visita.

E quina visita !

Mercés a Annie deus amics deu vielh Salias qui'ns hè descobrir pendant ua òra e mieja los tres solèrs deu Musèu de la sau.

A l'embaish l'installacion tau qu'èran organizadas las maisons quauquas sègles. Los tiradors (espiatz aquí  : que n'avètz dus deus valents quan ne portaràn pas 130 litres de saussa com los davancèrs hens lo samau.  Que'u barrejan hens lo coleder còsta la maison qui mia aquera aiga salada dinc au dulin au miei de l'ostau. Aquera sèrva  de la quau l'aiga tirada ei cauhada dinc e sobri sonque la tan preciosa sau qui hè lo riquèr deus parts-prenants. E qui ei partatjada segon la lei edictada hens lo libe negre despuish 1587 mei vielh reglament enqüèra en vigor uei lo dia.

La maqueta de la vila que'ns ajuda a comprener quin se passava auts còps hens los diferents barris.

Lo prumer solèr qu'ei consacrat a la vila e a la vita vitanta deu començament deu sègle XIXau. L'adobament deus lòcs en foncion deu deu termalisme. Los objèctes especifics emplegats ec.

TOPIN 2022 a

SAINT PE DE LEREN

TOPIN à ORTÈS 2022

  Que damoran plaças. Rendetz-ve abans 10 òras, au pè de la Tor de Moncada.
Inscripcion obligatòria au 06 41 17 48.

Passa sanitari demandat tà entrar en la tor.

Tà'us qui ac vòlen, moment de convivialitat e disnar partatjat a la sala Seillant.

Il reste des places. Rendez-vous avant 10 h au pied de la Tour Moncade.

Inscription conseillée au 06 89 41 17 48.

Passe sanitaire demandé pour entrer dans la tour.

Pour ceux qui le désirent, moment de convivialité et repas partagé à la salle Seillant.

TOPIN 2021 a SALIAS

TOPIN 2021a SAUVATÈRRA

TOPIN DE LENGA qu’èi estat apitat tà amassar los amorós de la lenga gascone ; que s’i podem arretrobar  au miei de monde qui la parlen, tà enténer soar los mots e tanben poder la parlar. Los debutants , curiós de l’enténer, que pòden viener. Un paperòt tradusit en francés que sera hornit a cadun.

L’amassada que’s debanera en l’encastra d'ua visite deu patrimoni istoric de las carrèras deus nostes vilatges e las riquessas naturaus deu noste pais.

La purmèra encontra qu’èstó tienguda lo 26 de seteme2021 a dètz òras a SAUVATÈRRA DE BIARN.

« Sauvatèrra bona tèrra »

Lo capdau de l’ASEC, Miquèu de la Heuguèra e Estèva Joseau qu’èran animators deu matiau.

Que ns’an hèit descovrir personatges deu parçan, qui an deishat òbras culturaus, aimat lo país e evenimens istorics.

                -Jan deu Sabalot

                -Ernèst Gabard

                -Marcelin de La Heuguèra

                -La sent Enric deu 15 de julhet de 1944

                -Gaston III de Foish-Bearn dit « Febus »

                -L’Infante LEOFAS, SANCIA la navarresa e la legenda deu pont..

Aquera visita que s’ei escaduda dab un beroi sor de l’abòr e los charmants poèmas, cantas e commentaris de Miquèu e Èstèva.

Lo viatge n’ei pas fenit. Qu’ei juste fenit tà uei.

Que’vs podetz preparar tau 24 d’octobre 2021. Dab lo salièr Christau Contrèras, qu’anaram a la descobèrta deus bòscs deus « ANDINS » e la recèrca deus camparòus .

Rendetz vos a 9 òras au parcatge de l’Amicala Laïca deus Andins.

Un aute rendetz-ve  qu'ei anonçiat tau 21 de noveme2021, entà visitar lo Castèth de Moncada, guidatz per lo Joan-Pèir POUQUET.

Que’m torneram parlar.

En Français

TONPIN DE LENGA est un rendez-vous donné aux adeptes de la langue gasconne ; on s’y retrouve avec des personnes qui la parlent, pour entendre les sons et aussi pouvoir la parler. Ce rendez-vous est aussi ouvert aux débutants curieux de l’entendre. Un support papier traduit en français est distribué pour la visite.

Ce rendez-vous est organisé autour d’une visite du patrimoine historique de nos centres bourg ou des richesses naturelles de notre environnement naturel.

La première rencontre a eu lieu le 26 septembre 2021 à 10 h dans le bourg de SAUVETERRE DE BÉARN.

« SAUVETERRE BONNE TERRE »

Michel CAZAMAYOR Président de l’ASEC et Stéphane JOSEAU ont animé cette visite.

Nous avons découvert des personnages qui ont marqué leur passage dans cette contrée, par leurs œuvres culturelles et leur attachement au pays :

                -Yan deu Sabalot

                -Ernest Gabart

                -Marcelin de la Hèuguère

                -La saint Henri du 15 juillet 1944

                -Gaston III de Foix Béarn dit « FÉBUS » Seigneur de Béarn.

                -L’INFANTE LÉOFAS, SANCIE la Navarraise et la Légende du Pont.

Cette visite guidée s’est déroulée sous un magnifique soleil automnal et le charme des poèmes, des chants et des commentaires en gascon de MICHEL ET STEPHANE.

Le voyage n’est pas fini !

Un autre rendez-vous est fixé le 24 octobre 2021 avec les salisiens pour la découverte des sous-bois et des trésors mycologiques saisonniers avec comme guide Christophe Contrèras.

Rendez-vous à 9 h le dimanche 24 octobre au parking de l’Amicale Laïque des ANTYS.

Plus tard, rendez-vous à ORTHEZ pour la visite du château MONCADE, le 21 novembre 2021 avec Jean-Pierre POUQUET.