Hilhòtas de la-baish, ça-vietz escotar si vos platz,
Ua navèra cançon, hèita per un joen aimador.
En aqueth endret qui vosauts sabetz,
En tota sason que s'i hè l'amor*,
Hilhas a maridar non v'i deishetz pas trompar,
Pensatz au vòste estat deishatz los aulhèrs de costat.

Un dia en mon pradèu*soleta a guardar mon batèu*
Aquiu n'aparescó nada auta persona que jo.
Pugèi drin mei haut a l'ompra d'un hau*,
Aquiu m'atrapè un beròi aulhèr.
Qu'avè los uelhs graciós e l'èr⁽¹⁾ d'un charmant amorós
Que comença a'm parlar : véder si'm volí maridar.

Que l'espièi tendrament dab un èr⁽¹⁾ de contentament
E shens tròp de faiçon qu'entrèm en conversacion
Prengom un moment de contentament,
Deishèm pacatjar lo noste bestiar :
Mon Diu, lo doç plaser despuish lo matin dinc au ser
D'estar tots dus solets a l'ompra d'aqueth arbolet.