Enten, enten l’acordeon,
Dus pas de dança, ua cançon,
Eth haro que s’a alugat,
Sant Joan, Sant Joan se n’ei tornat. (bis)

Val d’Aran, cap de Gasconha,
Luenh de tu que’m cau partir,
Val d’Aran cap de Garona,
Luenh de tu que’m vau morir

Era passejada un ser d’estiu,
E com te va ? Adiu, adiu !
Un tròç de pan, un còp de vin,
Parlar deth temps damb eth vesin. (bis)

Eths coeires luden sus eth bufet,
Totis eths records ena paret,
Non se pòt pas estangar eth temps,
Mes aranés, tostemps, tostemps. (bis)

Tornar pujar dinc ara nhèu,
Un darrèr còp eth cap en cèu,
Setiat dessús eth gran calhau,
Guardar eth sorelh en gran portau. (bis)

Companhs de Lees e de Bossòst,
De Salardun, de Vilamòs,
Brembatz-vos plan deth praube Joan
Qui a estimat tant era Val d’Aran. (bis)