Adishatz pastoreta deu Benon
Adishatz pastoreta deu Benon,
N'avetz dab vòstas aulhas, un moton ?
M'ei partit deu cujalar,
Soi fatigat de’u cercar,
Qu'èi corrut duas òras a,
Shens pode'u trobar. (bis)
Mossur, per vòsta pena, preni part.
Digatz-me donc shens crenta ni retard :
Lo moton qui vos cercatz,
Ei blanc, o negre, o pigalhat,
Coi o còrn arrevirat,
Vestit o cojat ? (bis)
Lo moton que jo cèrqui, còrn arrevirat,
Vestit d'ua lan blanca, l'uelh plapat.
Qu'ei elegant, qu'ei fièr,
Que marcha dab un bèth èr,
Sustot au còr de l'ivèrn,
Que hè sauts en l'èr. (bis)
Lahaut, dab mas aulhetas, que l'avetz,
Peishent l'èrba fresqueta deu muguet.
M'ei arribat au cledat,
Demandar l'ospitalitat,
L'èi recebut dab bontat,
Diu que'u v'a sauvat. (bis)